U cignali

vera o nò ?

Quand’e marchju, a lunghezza d’u me passu hè di 30 à 60 centimitri.

Vera

 

vera o nò ?

In Corsica, ci hè mor’di purceddi lintati è chì  si crocini cù i cignali ?

Vera

 

vera o nò ?

Currendu, possu staccà salti di 10 metri ?

Vera

U cignali hè più cortu cà u porcu mansu, più largu, più altu di spaddi è più capilongu. T’hà u grugnu più drittu è più pinzutu. L’animalu hè più massivu, u pelu hè più rasu. I setini sò corti è inzirriti à longu à spinu.
U cignali hè classatu in a famiglia di l’onnivori. Sigondu a staghjoni pò magnà ghjanda liccina, castagni, ghjanda faina, fichi, uva, radichi, funzi, arbi o biadi, è ancu roba tupaghja, lumachi è maschicciu.
U cignali pò misurà da 80 à 90 centimi da u pedi in tarra à a croci. Pesa da 160 à 180 chilò. U cignali corsu hè più capilongu cà quiddu di u cuntinenti aurupeu. È po hè più chjucu, i porchi di più di 90 chilò sò assai rari in Corsica.

 

A vita di u cignali

U cignali ruma cù u so grugnu. U so nasu ddi parmetti di senta a fumata di ciò chì vodda ch’eddu sichi, è di truvà a magnuscula sottu tarra.
Par piddà cura di a so saluta, u cignalu si ciotta in a fanga. Cerca à rinfriscà si, è si strifina pà caccià si l’insetti ch’eddu t’hà à dossu.

 

 

I cignalotti

I sigoni nascini di branu. A lofia cignalina purciddeghja sinu à 10 sigoni à purtata (1 à 5 pà u cignali corsu), tutti cù un pilamu arrigatu. U culori d’u pilamu cambia sigondu l’ità d’u porcu. Prima hè arrigatu, frisgiatu, è po torna ciaddu, russicciu, brunu o neru. È po passa à u grisgiu à misura ch’eddu invechja.
A mamma faci sughja i sigoni 3 mesi. Accadi à spessu ch’eddu ci sichi dui purtati à l’annu.
I cignali sò vivipari, com’à tutti i mammifari. I sigoni t’ani bisognu d’u latti d’a mamma i prima tempi.

Haut de page