A volpe

vera o nò ?

Una volpe pò sente un topu à più di 100 metri.

Vera

 

vera o nò ?

Ogni volpe face da 4 à 5 vulpachjotti.

Vera

 

vera o nò ?

A volpe hè un animale prudettu.

Hè falzu, hè classificatu inquantu chè nucente.

 

A volpe campa di notte. Di ghjornu si stà in i cispugli o in a so tana. Ghjè un carnaghju, u so spinu hè rossu, assai foscu è u restu di u so corpu hè biancu. E so arechje, longhe è pinzute sò culore castagnu o nere. Hè musifine è a so coda ella hè pampanuta è ornata di grisgiu è di neru. E zampe sò fine è nere in punta.
D’inguernu, u pelame di a volpe s’inzeppisce, quellu di i vulpachjotti vene più chjaru.
Per insignà i termini di u so territoriu, a volpe adopra a so urina è i so scrementi. I pone ch’elli si vecanu nantu à una petra, un pedicone o un chjassu. A volpe hà un raitu fine, si sente assai quand’ellu si ripruduce.
A volpe corsa hè più chjuca chè a so surella di u cuntinente.

 

A caccia

Per caccighjà, a volpe adopra tutti i so sensi ma si ghjova sopra à tuttu di a so arechja. Chjappa a so preda lampendu si addossu.  D’altronde pò saltà da assai luntanu. À l’annasu hè capace  à sculinà un topu à più di 100 metri. A volpe manghja di tuttu : topi, cunigliuli, acelli ma ancu insetti o uva. U so regime alimentariu varieghja segondu e stagione. Face e pruviste di manghjusca interrendu i resti ch’ella ritruverà à l’annasu o per via di a so memoria chì hè bunissima.

 

 

I vulpachjotti

A femina vene invulpita di ghjennaghju o di ferraghju. Tene 53 ghjorni è catella di marzu o d’aprile in fondu à a so tana. A catellata hè di 4 o 5 vulpachjotti chì sò allivati sin’à a fine di l’estate. U tempu di l’allevu, maschju è femina à spessu si ne stanu inseme è battenu u listessu rughjone. Portanu tramindui a manghjusca à i chjuchi.

 

 

Dissegni : Madeleine Colombani.
Cù l’autorisazione di u  CRDP Corsica.
Da u libru “animali salvatichi di Corsica”. M. Salotti, P. Pergola, Croquis ONF • Lionel Condemine, Willy Pinet

Haut de page