A cicala - A vita cantendu

A muta

In una notte a larva torna una cicala fatta.

Hè u mashju chì canta

U maschju canta per allusingà e femine. Incù u musculu di u corpu, face tremà una membrana fine tesa sopra à una cascia di risunanza..

A cicala è a furmicula

In a fola di La Fontaine, a cicala và à truvà a furmicula ch’ella li dia qualcosa da manghjà. Hè una storia bella, ma ùn rispetta micca a realità chì e cicale ùn campanu chè u tempu di un estate.

 

Toccu l’estate, e cicale a l’imburranu à cantà. À a ghjente di u Mediterraniu li piace sta musica chì risona in e fureste di pini. Ma ci serà vulsutu quattru anni da chì a cicala si metti à cantà.

 

In America di u Nordu, esiste una spezia di cicala chì a larva ferma 17 anni sottuterra. Indè noi a larva ùn ci stà chè quattru anni. Si nutrisce aspirendu u suchju di l’arburi à u livellu di e radiche. Eppo un ghjornu, un ghjornu di veranu, un ghjornu di maghju… a larva esce di terra. Si cerca un fustu o una rambella, ci s’appichja è, bella posta à l’aggrottu di u so inviluppu, cumencia à mutà.
Ghjè di notte ch’ella muta : strappa u so inviluppu, lascia esce u so capu, sparghje e so ale…
Pò attaccà a so vita corta d’insettu fattu.
A muta ùn averà duratu chè trenta minuti.
U sole matuttinu incutuliscerà e so ale sempre solfice.

 

 

 

 

 

U tempu di un estate

A cicala adulta si nutrisce sempre di u suchju di l’arburi tufunendu a scorza. Avà hà da circà à assigurà u mantenimentu di a spezia. Ùn li ferma tantu tempu à campà. Allora si ne vola à a ricerca d’un cumpagnu o d’una cumpagna.
A femina face l’ove ch’ella pone in a coda di certe piante. Cusì puderanu inficcà si in a terra è tramandà u ciculu di a vita.
Tuttu l’estate a cicala adulta averà per sola primura di ripruduce si. Morerà di settembre à a fine di l’estate.

 

Scrittu è ritratti da Fred Lavail.

 

Haut de page