A muvra

vera o nò ?

A muvra hè stata intrudutta in cuntinente aurupeu à  a fine di u 19imu seculu.

Vera

 

vera o nò ?

A muvra rumineghja cum’è a Vacca.

Hè vera. Hà dui stomachi.

 

Vucabulariu

Muvra hè u nome di l’animale, è à u listessu tempu u nome di a femina. U masciu si chjama u muvrone.
Motina (o incalcatu è apertu), chì ùn hà micca o chì ùn hà più corne; cioca (o apertu), chì ùn hà più cà una corna sola.

 

 

E muvre sò mammifari chì vanu più vulinteri in banda. D’auturnu è d’invernu si ne stanu inseme chjuche è maiò, una dicina à pocu pressu, à surviglià u so duminiu. Toccu u viranu, i muvroni, i masci, si staccanu da a banda in picculi gruppi, è invece e femine stanu inseme cù i so muvrelli.
E corne di i muvroni ponu misurà da 80 à 90 cintimetri. Quelle di e muvre ùn misuranu mai più cà 18 cintimetri. Accade ancu ch’elle sianu motine. D’invernu u pilame di i muvroni torna castagnu, è quellu di e muvre hè più chjaru. A muvra campa à un’altezza di 500 à 2000 metri. Li piacenu e stese scuparte, e cullette petricose è e sciappe. D’invernu si stalla in li lochi ind’ellu neva pocu, è ind’ella si pò spiazzà facilmente.

 

I muvrini

I muvrini sò capaci di ripruduce si à un annu è mezu. E femine ponu figlià toccu i 2 anni, ma pà i masci, a sedera cumencia solu à u capu di 3 o 4 anni. A muvra tene 5 mesi da più à menu (da 148 à 159 ghjorni). Face un muvrinu solu à l’annu menu (di raru 2).

 

 

 

Vita di tutti i ghjorni

Da una stagione à l’altra, a muvra si nutrisce prufittendu di ciò chì nasce in li piani diversi di u locu muntagnolu. U più, manghja arba è fronde d’arburetti. A maiò parte di l’acqua chì l’accorre, a muvra a trova manghjendu robba fresca. Hè vegetariana.
In Corsica, a muvra hè prutetta da 1956. À i ghjorni d’oghje, ùn sò cà 600 in la nostra isula. Tutte e muvre d’Auropa uccidentale sò di razzinu corsu o sardu.

 

 

Dissegni Madeleine Colombani
Cù l’autorisazione di u CRDP Corsica.
Da u libru animali salvatichi di Corsica
 

 

Haut de page