U cervu

a sai ?

A cerva ùn porta micca corne. Tutti l’anni figlia d’un cervettu pichjulatu di biancu.

 

vera o nò ?

E corne cascanu ogni annu.

Vera

 

Vucabulariu

bramisce : brame (du verbe bramer)
reghja : horde, bande
incrispitu : agressif
capimachja : chef de groupe
crucella : garrot
ricintu : enclos
arechjifine : qui a l’ouïe fine
 

 

Vegetarianu è soprattuttu arbivoru, u cervu ingolle sinu à 15 chilò di pianta à ghjornu. Manghja per u più pruni, arba, fronde, scorza…
Campa in reghja : un cervu è parechje cerve incù i so cervetti. U maschju vene incrispitu da u mese di nuvembre quandu principia a stagione di l’amore. Si batte contru à i so rivali per esse u capimachja. Puru, i cumbatti chì vanu sinu à a morte sò quantunque scarsi. Compia a stagione di l’amore, u cervu hè fiaccu è smagritu. Perde sinu à 40 chilò. Ma, per furtuna, u cervu (incù l’orsu) hè u mamiferu salvaticu maiò di a Francia.

 

 

 

Spariti da Corsica

U cervu corsu hè di spezia listessa chè quellu di u cuntinente, appena più chjucu. Ùn ci n’era guasi più in Corsica toccu a fine di u 19imu seculu è hè sparitu in tuttu à a fine di l’anni sessanta par via di a caccia. Da u 1985, anu purtatu in un ricintu in Quenza unipochi di cervi sardi, di razzinu listessu à quelli spariti in Corsica. A so pupulazione hè crisciuta è dui altri ricinti sò stati fatti in Aleria.
In u 1998, funu cappiati i prima cervi.

Dissegni PNRC

 

Haut de page