A corsa landese. Spettaculare hè !

                                              

                                   

N’ai vistu digià corse landese ? Si ne vede in Gascogna è più particularamente à Punente di l’Occitania. Stu ghjocu si face in l’arene.
È spettaculare hè mì !

À l’iniziu ci hè a vacca ! Entre in l’arena liata per e corne. L’accumpagna un omu (u canaperu) chì tene forte u canapu.
Ùn si passa nunda sinu à u mumentu chì a vacca vede u scantadore, chì dinù ellu si ne hè entratu in l’arena.
Tandu a vacca li s’imburra. L’omu prova à schisà la. Si scanta… À quandu à diritta, à quandu à manca.
Bella sigura, vene più faciule di passà da u latu chì u canapu ùn ci si trova. Prima chì u passeghju hè liberu ma dinù, è soprattuttu, chì u canaperu pò impedisce à vacca di girà u capu. Cusì, tirendu nantu à a funa, u canaperu face di manera ch’eo ùn mi pigli un colpu.

 

 

A s’anu a memoria e vache

Accade in tantu chì u scantadore, manchessi u so colpu è chì a vacca u intoppi. Quand’ella stalva, i so cumpagni correnu à dà li una manu. Ma à spessu, sceglie di ùn firmà si nantu à una scunfitta. Hè un affare d’onore è di fume. Eppo, ci vole à sapè chì e vacche a memoria l’anu mì ! S’avvenenu di l’omu ch’elle anu ingannatu.
In l’arena, ci hè un terzu persunagiu : u saltadore. Quellu face l’effetti saltendu per sopra à a vacca chì u imburra. Pò fà un saltu periculosu, un saltu di l’anghjulu o ancu un saltu pedighjuntu, anchiliatu incù i pedi infrugnati in un berettinu.

 

 

 

Ammaestrà u periculu

Tempi passatoni e vacche di a corsa landesa eranu d’una razza sputica di a regione. Ma quella razza hè sparita da un seculu in quà. Oghje, sò e femine di i tori di Spagna o di u Purtugale, (quelli chì cumbattenu in e corridà) chì sò aduprate per a corsa landese.
Quelle vacche ponu pisà sinu à 450 chilò. Allora, per esse siguri, s’ingutuppa a punta di e corne incù l’adesivu. Di fatti, un colpu di corna puderia esse murtale per u scantadore o u saltadore.

 

Un ghjocu per l’omi è e vacche

Ma tuttu què si ferma un ghjocu. Di fatti, à vacche li piace à scumpete ne incù l’omi. Compia ch’ella hè a corsa, si ne entrenu in casa soia. Dice ancu chì certe vacche chì sò state private di ghjucà sò triste è ùn volenu più manghjà.

 

 

Scrittu è ritratti da François Lassabe.

 

Haut de page