Di u stu mondu si trovanu i zitelli chì travaglianu

I prudutti

fabricati da i zitelli sò dinù in vendita in e nostre butteghe. Ci vole à ricusà di cumprà ne.

 

Anu trà 4 è 14 anni è sò inguasi 250 milioni di zitelli in u mondu (inguasi 2 milioni in Auropa) à praticà un’attività prufeziunale. È à vede ne e so paghe misere si pò cunclude ch’elli sò spluttati.
In tantu in u 1989, una cunvenzione di i diritti di i zitelli hè stata firmata da 180 paesi. Dice chì i zitelli devenu esse prutetti contru à e maltrattate.

In Auropa

• In Napoli, in Italia, zitellette di 12 o 13 anni passanu a so ghjurnata daretu à una mascina à cosge.

• In Amarante, à u Purtugallu, si fabricheghja ogni ghjornu 500 paghji di scarpi per une poche di gran’ marche aurupee. I zitelli travaglianu per 6 franchi di l’ora.

 

E cundizioni di travagliu

• In Culombia, un minore di fondi di 14 anni passa a so ghjurnata à 100 metri sottuterra in un’aria chì ùn si pò rispirà. Vince 450 franchi à settimana.

• In u Pachistanu o in u Nepale. I zitelli ponu travaglià sinu à 20 ore à ghjornu, 7 ghjorni à settimana. Dormenu, manghjanu è travaglianu in a listessa stanzetta fosca ind’elli sò chjosi durante a notte.

 

 

 

• In Malesia, i zitelli strazieghjanu sinu à 17 ore à ghjornu in e pustere d’evea, sposti à e punghjiture d’insetti è à i frai di i serpi.
 

 

 

À 5 anni, Michele travaglia 11 ore à ghjornu. À a scola ùn ci và mai.

 

 

Rohini face furgani. Si stà à pusà in terra tutta a ghjurnata.

 

 

 

Ritratti da u Scagnu Inter-naziunale di u Travagliu. Listessa per u ritrattu di a cuprendula.

 

 

 

U travagliu di i zitelli
Ci tocca à dì Basta !

À spessu hè a miseria chì porta i zitelli à travaglià. Soprattuttu quandu u disimpiegu hè impurtante per l’adulti è chì ùn ci hè securità suciale. A maiò parte di i zitelli travaglia in “ u settore infurmale ” - vendenu qualcusella in i carughji, travaglianu in i campi o facenu e faccende di casa à l’appiattu. I inspettori di u travagliu ùn i ponu inguantà.

 

À spessu si ne prufitta, si maltrattanu o si spluttanu. Certi patroni facenu e lode di “ e qualità eccezziunale di a manu d’opera zitellesca ”, “ e so dite fatate ”. Ma a verità hè chì i zitelli sò senza difesa è ch’elli ponu esse spluttati senza fine.

 

A manera più sigura di luttà contru à u travagliu di i zitelli hè di rende a scola ubligatoria. In ogni parte di u mondu ci vole à creà scole bone chì piacenu à i zitelli. Cum’è per indettu e scole di u Cumitatu per u Sviluppu Rurale di u Bangladescu.
 

 

Haut de page