Dongchen, 13 anni, baddarina à l’Opara di Pekin

                                                            

Dongchen t’hà 13 anni. Facini dui anni ch’edda và à studià ind’a scola a più rinumata di Pekin. Par entra in issa scola ùn hè mancu à pena faciuli, ci vò di riescia à un cuncorsu d'intrata. In quant’à Donchen, edda, hà priparatu u so cuncorsu mentri 4 anni. Vò d’essa cantatrici è baddarina d’Opara.

Donchen stà in pinsioni. Par edda a ghjurnata cumencia cù una siria d’asarcizii fisichi par iscaldà i musculi innanzi u corsu. Richjaratusi è presu u sdighjunu, i studianti piddani corsi di ginnastica mentri 3 ori. Ci hè di tuttu : salti, scosciu, mulineddi... À a fin’ di u corsu sò tutti in sudori, masci è femine.

 

À l’Opara di Pekin, i studienti amparanu tutti l’arti di a scena : cantu, musica, sturmenti tradiziunali, (asarcizii basichi), tan ze gong (acrubazia), ba dze gong (arte di u spaziu). Dongchen ampara dinò à ammaistrà i so gesti è u so cumpurtamentu. A incapatura hè mori impurtanti.

 

À l’Opara s’amparani dinò i materii sculari tradiziunali : u chinesu, l’inglesu, i matematichi è a storia. A mani Dongchen pidda ancu corsi di cantu.

 

Ampara u chinesu, i matematichi, l’inglesu…

 

Dongchen hè una bona sculara.

 

Ogni scularu devi ghjucà un parsunaghju di l’Opara. Ognunu porta un custumu  spicificu è hè faccitintu d’una manera particulari. Dongchen hè bona in acrubazia, è po hè tanta graziosa ch’edda hà sceltu di ghjucà à Wan Dù.
Wan Dù hè un parsunaghju tradiziunali. T’hà u so capu rossu, com’à guasgi tutti i parsunaghji chinesi. Sò l’anziani chì ani amparatu à Dongchen l’arti di tignasi a faccia. Dongchen hà sottuliniatu i so ochja par avè unu sguardu più prifondu. Avali, videmi ch’edda hè pronta à cuddà à nantu à a scena.

 

Avali Dongchen hè pronta à cuddà à nantu à a scena par ghjucà à Wan Dù.
Hè un parsunaghju capirossu.

 

Tutti i mani : corsu di ginnastica.
A flissibilità t’hà mor’d’impurtanza pà i ghjovani baddarini di l’Opara di Pekin.
In a so camara tutti l’oghjetti è i ritratti facini veda ch’edda vò fà a cantatrici è a baddarina d’opara.

 

Dongchen hè dighjà passata parechji volti à a televisiò.
Ma ancu par essa divintata una piccula star, cuntiniveghja à studià à a scola.

Haut de page